Ek rishta purana
Budhe bargad ki chudail ka
Naani ki kahaniyon ka
Naanaji ke dulaar ka
Ek rishta kitabon se mera
Atoot , Nishabd, Nirantar
Meri saason se jooda hai
Aur dil khol ke lootata hai
Ek mere bachpan ka rishta
Tab bhi jhijhajkta tha aur aaj bhi
Lagatar mujhe milta raha
Do kadam saath chalta raha
Ek rishta bhaybhit saa
Hichkichata aur murjhaya sa
Kabhi dhayrya se aage naa badha
Magar kabhi toot bhi na paya
Ek hai rishton se rishta
Ghanghor baarish mein dhoop sa
Sanvedana ka Intzaar ka
Jinda hone ke ehsaas ka
Ek rishta benaam sa
Meri ruh mein samaya
Mano toh dhadkan ki tarah
Shayad Ishwar ki den tha
Ek rishta kahi kho gaya
Dosti ka, vishwaas ka
Achanak haathon se choot gaya
Aasoon banke palkon mein bus gaya
